✅Oʻsimliklar karantini va himoyasi ilmiy-tadqiqot instituti 2-bosqich tayanch doktoranti Dusmatova Dilrabo Turopovna tomonidan “Zararkunanda va kasalliklardan biologik himoya qilish” laboratoriyasida mahalliy turdagi entomopatogen nematodalarning kartoshka kuyasi (Phthorimaea operculella) lichinkalariga qarshi biologik samaradorligini aniqlash maqsadida tajribalar olib borildi. 

📌Tadqiqotda Steinernema feltiae, Steinernema carpocapsae, Heterorhabditis bacteriophora entomopatogen nematoda turlaridan foydalanildi. 

📈Eng yuqori samaradorlik Steinernema feltiae turiga tegishli bo‘lib, 72 soat ichida 100% o‘lim holati qayd etildi. Steinernema carpocapsaening biologik samaradorlik ko‘rsatkichi 88.5%, Heterorhabditis bacteriophorada esa 87.2% ni tashkil etdi. 

🔬Bugungi kunda tadqiqotlarni ochiq dala sharoitida o‘tkazish maqsadida entomopatogen nematodalardan onalik mahsulotlarini ko‘paytirish ishlari olib borilmoqda.