O‘simliklar karantini va himoyasi ilmiy-tadqiqot institutining "Xavfli va karantindagi begona o‘tlarni o‘rganish va qarshi kurashish" laboratoriyasi ilmiy xodimlari tomonidan Xitoy Xalq Respublikasidan olib kelingan paxta navlari (Xin Lu Zhao-52, Xin Lu Zhong-46, Jinken-1402 va Hongtai-6636)da gerbitsidiga nisbatan chidamlilik darajasini o‘rganish maqsadida "Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti"ning tajriba maydoniga ekilgan paxta navlari orasida uchraydigan begona o‘tlarga qarshi qo‘llanilgan gerbitsidlar monitoringdan o‘tkazildi.
Monitoring jarayonida g‘o‘za ekinida uchraydigan begona o‘tlarga qarshi qo‘llanilgan gerbitsidlar sepilgandan keyin (15-kun mobaynida) begona o‘tlar qurigani kuzatildi. Shuningdek g‘o‘za ekilgan maydonlarda bir qancha kimyoviy vositalrdan kuygan o‘simliklar aniqlandi. 
Ma’lumot uchun: Tajriba ikki xil variantda tashkil etildi: Nazorat varianti - o‘simliklarga gerbitsid purkalmasdan, tabiiy sharoitda o‘sishi kuzatildi. Glifosat bilan ishlov berilgan varianti - tanlab olingan navlarga tavsiya etilgan miqdorda glifosat gerbitsidi qo‘llanildi.