Zararkunanda va kasalliklardan biologik himoya qilish laboratoriyasi” ilmiy xodimlari tomonidan Toshkent viloyati, Bo’stonliq tumani, Soyliq qishlog’idagi Mirishkor-Yusuf fermer xo‘jaligida pomidor ekinlari ildiz tizimida aniqlangan bo‘rtma nematoda (Meloidogyne spp.) zarari bo‘yicha Frigate 150 EC nematisidining sinov tadbirlari olib borildi.

Bo‘rtma nematodalar o‘simlik ildizlarida bo‘rtmalar (gall) hosil qilib, ozuqa va suv almashinuvini buzadi, bu esa o‘simliklarning o‘sishdan qolishi va hosildorlikning keskin pasayishiga olib keladi. Fermer xo‘jaligida bu alomatlar aniq namoyon bo‘lganligi sababli, ushbu nematodaga qarshi samarali kimyoviy vosita sifatida Frigate 150 EC tanlandi.

Mazkur preparatning faol modda tarkibi — fosthiazate — tuproqqa singib, fitoparazit nematodalarning asab tizimidagi asetilxolinesteraza fermentini bloklashi orqali ularning harakatlanish, oziqlanish va ko‘payish faoliyatini falajlaydi. Natijada nematodalar o‘ladi yoki faoliyatsiz holatga tushadi.

Preparat pomidor ildiz zonasi bo‘ylab, tuproq sug‘orish usulida qo‘llanildi. Ishlab chiqaruvchi tomonidan tavsiya etilgan me’yor va texnik talablarga qat’iy amal qilindi.

Mazkur dala sinovi O‘zbekistonning turli agroekologik zonalarida Frigate 150 EC preparatining nematisidlik xususiyatlarini baholashga va uni samarali kurash vositasi sifatida tavsiya qilishga xizmat qiladi.