Avena fatua L.
Yovvoyi suli turlari boshog‘ida urug‘larning to‘kilishiga yordam beradigan urug‘ bo‘g‘imining bo‘lmasligi va doni buralgan, qiltiqli bo‘lishi bilan sulidan farq qiladi. Bu o‘t bahori bug‘doy, arpa va suli orasida ko‘p o‘sadi, shuningdek, boshqa bahori ekinlar orasida va shudgorda ham uchraydi. Poyasi to‘g‘ri, bo‘yi 120 sm gacha bo‘ladi. Maysalarining ko‘p qismi ko‘k-yashil. Yoz boshida gullaydi. Yovvoyi sulining urug‘i ekinlar bilan bir vaqtda yoki biroz oldinroq pishadi. Pishib ulgurmagan urug‘i ham yoppasiga va tez unib chiqishi mumkin. Pishgan urug‘i uchun esa 5 oyga yaqin tinim davri talab etiladi. Suli urug‘i yuqori harorat 20°C da unib chiqadi. Yovvoyi suli urug‘i hatto 25-30 sm chuqurlikdan, lekin 10 sm chuqurlikdan yaxshiroq unib chiqa boshlaydi. Urug‘i unuvchanligini tuproqda 5-8 yilgacha saqlaydi. Yovvoyi suli tuproqni juda quritib yuboradi. Uning tukli doni bug‘doy doni bilan tortilganda unga qora rang, nordon ta’m beradi. Tortilgan don molga berilsa, ularning nafas yo‘li shimilshiq pardasini yallig‘lantiradi. Yovvoyi suli zang, qorakuya va bir qator zaharli hashoratlarni tarqatuvchi uyasi hisoblanadi.
Kurashish choralari: Agar bu begona o‘tlar Piyoz orasida chiqsa piyozning 10-15 sm o‘suv davri, Yovvoyi sulining kamida 10-15 sm o‘suv davrida VIZELEKS SUPER 10.4% yoki Vi SELEKT 24% har 10 litr suv hisobida 50 ml qo‘shib qo‘llash mumkin. Agar G‘alla orisida chiqsa VINTOPIK 30% (0.3 l/ga) yoki VIKSIAL 5% (1 l/ga) qo‘llash mumkin.
Gerbitsidlarni qo‘llashda har 10 litr suvga 5 ml yoki gektariga 0.1-0.2 litr hisobida EKO SLIWETT sirt faol moddasidan birga qo‘shib foydalanish juda samarali.